Die “Tier van die Oranjerivier" is terug

GEMSBOK-GROBLERSHOOP: Zubair Parker, beter bekend as “die Tier van die Oranjerivier” se reis na sy eerste SA Voerderkampioenskap was ‘n ware “wipwaentjie” reis.


Hy het beslis nie dat die wipwaentjie hom onderkry nie en saam met sy span bring hy toe ‘n silwermedalje huistoe. Hy vertel hier meer van die wipwa in die reis na sukses. "As ‘n ervare papgooi-hengelaar het ek my aan hierdie jaar se Bank-hengelkampioenskap onttrek, omdat die datum binne Ramadan-maand geval het, maar soos die gesegde lui, wanneer een deur toemaak, gaan ‘n ander deur oop."


Eendag, terwyl hy met JC Combrinck gepraat het, het die onderwerp van voerderhengel ter sprake gekom. "Ek het vir hom gesê dit lyk inte- ressant, maar ek het niks van voerderhengel nie. JC het vir my gesê ek moet net daarheen gaan en hy sal my uitsorteer. Die tyd het gevlieg. Die Saterdag kry ek alles en bewonder die storie so - Daars voerhokke, slap stokke, lang hoek links , twizzles en slegs natuurlike aas soorte...


Parker se hy het aanvanklik geding dit is ‘n “ walk in park”. "Dit was die eerste keer in my lewe wat ek voerhengel doen en dit ook op ‘n SA Kampioenskap. Ek maak dit toe my missie om te leer, ek vra sonder ophou vir almal in die span - wanneer ek iets sien en hulle almal help my ook en wys my reg sonder om my te oordeel."


Hy kry toe sy ritme kry en begin dinge verstaan. "Dis nie papgooi nie! Hier sit jy nie drie dips en ‘n geel floatie aan, gooi en hoop en bid vir ‘n vis nie. Hier werk jy. Jy werk vir jou span. Jy beplan en kyk water dieptes en jy bly by ‘n gameplan, jy laat lê nie ‘n stok vir meer as 10-12 minute nie. Oor die laaste week het ek die grootste respek gekry vir elke voerhengelaar in Suid Afrika."