Damas Kultuurfees is om die draai

GEMSBOK-VREDESVALLEI: Die Damas Kultuurfees word die Saterdag, 6 September, by Damas Gastehuis op Vredesvallei, Riemvasmaak gehou.


Vroeg Saterdagoggend word die begraafplaas besoek en die drama van Jakob Marengo opgevoer. Om 09:00 word die fees amptelik geopen met verskillende danse en die amptelike verwelkoming. Die oggend sal verder verloop met ‘n opvoering van Xhosa en Tswana bruilof tradisie, kultuurdanse en verskeie kunstenaars wat gaan optree. Gedurende die dag sal daar verskillende tradisionele dansgroepe optree en Mej. Damas sal ook aangewys word. Die ingang is gratis. Mense wat die dag bywoon, kan kos en drank daar koop. Heelwat kulturele produkte sal te koop aangebied word. Diegene wat wil kom kamp, bring julle eie tente, kampstoele, hoed en sonbril. Om ‘n plek te bespreek of navrae, kan Eliza Namases gekontak word by 081 804 9427. Navrae kan ook gerig word aan damas.dgc@gmail.com. Ingeval die GEMSBOK misgeloop het, volg die skakel https://bit.ly/4lJBrUU